Инстаграм трендови за внатрешно уредување
Дали Ви се случило додека скролате по Инстаграм да добиете желба и Вие да се впуштите во авантурата наречена уредување на домот (од која, патем, сите во Elena Luka Home сме заразени)?
Барајќи низ разните хаштази најдовме непроценливи богатства кои не инспирираат секојдневно, а од нив издвоивме неколку трендови кои навистина ни оставија впечаток. Овие додатоци и детали ќе бидат акценти во Вашиот дом, ќе му дадат карактер и ќе доближат до ,,идеалните’’ Инстаграм ентериери.
Затоа погледнете ги следниве идеи и почнете со разубавување на Вашиот дом.
Лебдечки полици
Чисти и минималистички, овие полици се одлични да му дадете карактер на Вашиот ограничен простор. На неа може да додадете разни додатоци, а растението ќе го освежи просторот.
Макраме украси за ѕид
Овие украси му носат на домот убаво, рустично чувство. Макраме украсите се оригинални и помалку бохо кои се издвојуваат од другите украси, книги и огледала. А доколку сте поамбициозни може да најдете туториал на You Tube и сами да го изработите украсот.
Самостоечка бања
Иако туш-кабината е во тренд, и можеби попрактична, самостоечката када е парче кое ќе и даде посебен шмек и луксузен изглед на Вашата бања. Само замислете како по напорен ден, лежите и се опуштате во Вашата када, опкружени со миризливи свеќи и чаша вино.
Марокански тепих
Пријатен и автентичен, мароканскиот тепих е парче со кое не може да згрешите. Неутралната колор палета и дава шик нота на собата, а може да го акцентирате со мебел од ратан или дрвен декор. Но, доколку сакате малку полуксузен изглед додадете детали со боја на теракота и злато.
Перници во вид на морска школка
Најчесто се прават од кадифе или велур и се совршено освежување за домот. Со своите вибрантни бои секоја соба ја прави уникатна. Повеќе за овој тренд може да прочитате ТУКА.
Керамички плочки
Ние ги обожубаме керамичките плочки затоа што се прекрасни и декоративни, а имаат безброј шари, бои, патерни од кои може да се избере. Дури и да сакате минималистички бели плочки, може да избирате меѓу многуте текстури и форми, а Вашиот дом ќе биде модерен и уникатен.
Пампас трева
Оваа трева трае до три години, а бара минимално одржување. Изгледа особено шик искомбинирана со модерна вазна, а на секој дом му дава топлина.
Мебел од ратан
Неговата популарност се должи на тоа што овој мебел од ратан дава бохо и опуштени вибрации во домот, а со својата неутрална боја не е тешко да го вклопите со остатокот од мебелот.