Беж боја за вашата дневна соба

Вистински предизвик при уредување на станот е да се избере соодветен дизајн за дневната соба. Дневната соба, првично, треба да биде пријатна за оние кои живеат во станот, но секако и за гостите, бидејќи ова е просторијта каде што најчесто се собираат луѓето при посета. Неутралните бои се почесто се користат од дизајнерите при декорирање на овој простор од домот. Беж бојата е позната по нејзиниот релаксирачки ефект, боја која може да му донесе хармонија и топлина на просторот. Но како правилно да ја декорирате вашата дневна соба со помош на оваа боја?

Во повеќето случаи беж бојата се користи како основна. Главната особина на оваа боја е нејзината флексибилност – може да се создаде монохроматски или светол ентериер, да се изберат два, три тона или да се искористи целата палета. Беж ентериерите ги поврзуваме со луксуз и просперитет и никогаш нема да излезат од мода. Покрај тоа беж ентериерите се надополнуваат со било кој стил, почнувајќи од класичниот па се до поп-арт стилот.

Класичниот стил перфектно се совпаѓа со неутралните бои, но едноставноста и симетријата мораат да бидат запазени. Ако ѕидовите се во светла беж боја, тогаш подот мора да биде темно кафен. Ова правило се однесува и на мебелот.

Минимализмот се повеќе и повеќе станува популарен. Совршен е за мали апартмани каде просториите не се поделени во зони. Ако станува збор за мал апартман, тогаш комбинацијата беж боја и минимализам е совршена. Бојата визуелно го зголемува просторот, а правилата на стилот не дозволуваат преобемен мебел и премногу детали. Може и да се додаде дополнително некоја светла боја како би се заживеала атмосферата.

Модерниот стил искомбиниран со беж бојата ја прави дневната соба удобна и пријатна. Нежната боја создава прекрасна позадина за да може да се постават светли акценти како, завеси или перници. Текстилот треба да содржи цветови, чии тонови ќе се совпаѓаат со беж бојата.

Погледнете уште неколку интересни идеи.