Модерен ентериер со рустични акценти – хармонија на контрасти во стан од 53m2 во FUTURA 2
Кога контрастите совршено ќе се избалансираат, се создава идеална хармонија што ентериерот го исполнува со комфор и чувство на пријатност.
Токму таков е примерот со предлог решението за уредување на ентериер на станот Moonwalk со квадратура од 53m2 во актуелниот станбено-деловен објект на реномираната компанија ELENA LUKA HOME, FUTURA 2.
Максимално и функционално искористен простор во кој модерниот ентериер станува уште поатрактивен благодарение на рустичните акценти.
Топлата атмосфера е постигната токму преку дозираната рустичност, со употреба на материјали како еко-кожа, стакло и памук. Во однос на колоритот, доминираат нежните и суптилни нијанси кои се надоврзуваат на рустичната приказна, но во комбинација со бои кои даваат акцент на просторот и чувство на комфор и луксуз.
Распоредот во станот е дефиниран со цел да се постигне удобност, функционалност и рационална примена на секој метар квадратен.
Поврзаноста на дневната соба со кујната и трпезаријата создаваат една компактна естетска целина исполнета со голема количина на природна светлина.
Спалната соба е дизајнирана во духот на актуелните ентериерни тенденции, со компактно надополнети текстури, материјали и суптилен колорит.
Moonwalk е атрактивна станбена единица лоцирана во станбено-деловниот објект FUTURA 2 што е во фаза на изградба и е репрезент на највисоките стандарди во современото домување.