Ѕидовите како полигон за идеи

Без разлика дали се селите или го реновирате станот во кој моментално живеете, вашите ѕидови можете да ги декорирате без да потрошите мало богатство.

Имајте на ум дека украсувањето на ѕидовите не продразбира само поставување на врамени слики. Треба да размислите за бојата, димензиите и оригиналноста.

Детали во рамки

Побарајте големи огледала, постери или врамени слики. Одберее нешто што ви се допаѓа, а што ќе се вклопи во вашиот ентериер. Мотивот не мора да го прекрие целиот ѕид, но препорачливо е да биде доволно голем за да прицлече внимание во просторијата.

Цитати

Испечатете ги на винил вашите омилени цитати напишани со декоативен фонт и залепете ги на ѕид. Или купете готови стикери. Винилот лесно се лепи и се отстранува од ѕидот, така што можете често да ги менувате.

Полици

Поставете полици и од ѕидот направете креативен излог. Ова е одличен начин да го смените изгледот на просторијата така што повремено ќе ги менувае предметите кои што се изложени.

Тапети

Целиот ѕид или неговиот среден дел прекријте го со тапет кој вам најмногу ви се вклопува во ентериерот. Немојте да претерувате со шарени примероци доколку во просторијата имате мебел кој е обложен со разнобојни материјали. Во тој случај земете тапет кој има најмногу две бои или една боја во две нијанси. Доколку вашиот мебел е без шарени примероци, тогаш можете да земете тапет во неколку бои.

Необични предмети

Закачете теписерија, традиционален чаршав или килим на ѕид. Свилено кимоно или народна носија заштитена со плексигласм ќе и даде на вашата соба интересен фокус. Извадете ги вашите стари инструменти. Закачете труба, тамбура или виолина. Комбинирајте ги со омилените ноти кои сте ги испечатиле и поставиле на ѕид.

Камен или цигли

Целиот ѕид или само некои негови делови, обложете ги со камен или цигла. Обидете се да направите ефект на стара рушевина. Со камен можете да го обложите и делот позади вашиот телевизор.