Стинг го продава својот стан
Станот се наоѓа во Централ Парк Вест, во една од најскапите њујоршки улици, на 16 и 17 кат, а Стинг и неговата сопруга го купиле во 2008 – та година за 27 милиони долари.
Пентхаусот се продава за 56 милиони долари бидејќи на неговиот ентериер работеле реномирани дизајнери кои го трансформирале во уникатен дом.
Внатрешноста на станот се простира на повеќе од 1.600 квадратни метри и има четири спални соби.
Во станот се наоѓа камин кој ги разделува дневната соба и собата за одмор која има вградени полици со книги. Во станот се наоѓа и библиотека.
Од дневната соба се влегува во модерна кујна и се доаѓа до една од двете спирални скалила. Кујната содржи два фрижидери, четири рерни и три машини за садови.
На второто ниво во кое исто така може да се дојде со помош на лифт, се наоѓа луксузна спална соба со поглед на Централ Парк. Тука е и бањата во која има и посебна соба за пресоблекување, спа и сауна.
Станарите на оваа зграда имаат доста привилегии меѓу кои се огромниот фитнес центар, базен на врвот на висококатницата, кино сала, приватен ресторан, винарија, библиотека, соба за играње, надворешна тераса и друго.
