Живописен стан со ведри бои и оригинален мебел во ентериерот
Големиот, отворен дневен престој е поделен на зони со цел да се задоволат различните потреби на големото семејство кое го сочинуваат повеќе генерации. Пространата дневна соба е дефинирна како удобен и пријатен простор во кој се собира целото семејство.
Карневалот на ведри бои и дезени внел живот во овој неутрален простор на дневната соба. Светлата палета на бои на ѕидови и мебел ги обогатиле акцентираните детали како што се декоративните перничиња и уметничките дела.
Каминот инаку е еден од највпечатливите елементи на ентериерот, а во овој простор посебно привлекува внимание благодарение на впечатливиот зелено бел дезен. Вертикалните полици складно го дополнуваат просторот околу каминот.
Еден од најатрактивните делови на станот е несекојдневната кујна изработена од бакарни кујнски елементи. Во рефлективната површина на орманот и уредите од бакар се огледува дневната соба, која кујната ја дели практично на острово со барски столови.
На местото кое е преплавено во природна светлина е сместена трпезаријата. Масивната плоча на трпезариската маса стои на испреплетни дрвени ногари во повеќе бои. Разигрнта композиција ја дополнува миксот од различни трпезариски столови.
Лустерот со бајковит дизајн е поставен над масата. Низите на кугли од разнобојно дувано стакло висат од таванот како украсни орнаменти.
Пултот и барските столчиња го делат добниот простор за читање или одмор од главната дневна соба.
Пинк фотелјата заедно со сино портокаловиот дезениран килим прави истотака интересен спој.
Мноштвото од бои внесуваат и различните керамички вазни и декоративни предмети изложени на брановидните дрвени полици.
Функционална и удобна, третата дневна соба е облечена во нежна нијанса на портокалова и сина боја.
Изложениот ѕид од цигли одлично функционира како неутрална, но не и монотона позадина која е разиграна со поставени предмети на отворен тип на полици.
Во просторот владее енергичен спој на ткаенини од Узбекистан, слики од руски уметници и „богатства’ пронајдени на „пазарите за стари работи“ од Италија и Шпанија.
Кога ќе настапи вечерта до израз доаѓаат оригиналните ЛЕД светилки, вградени во таванот и во ѕидовите со различни должини и ширини.
Истиот систем на расвета е повторен и во работната соба. Дополнителното осветлување го пружа модерниот сет од лустери.
Во главната спална соба, ЛЕД траките се сместени во владбнатините на необичниот бел ѕид.
Атрактивните отворени полици и ѕидот од оголени цигли се присутни и во оваа просторија.
ЛЕД траките се протегаат по целата ширина на таванот и се спуштаат зад впечатливите слики. Низ големиот прозор може да се види бањата која е припиена во главната спална соба.
Централниот елемент на раскошната бања е елегантната самостоечка када со славина од месинг.
Зеленото орманче складно се вклопува со живописната палета од бои.
Уште еден ефектен дизајнерски чекор – камен мијалник поставен на дрвена плоча, во потполност одговара на стилот на бањата која асоцира на природата.
Отмениот спој на магендата со сината боја доминира во другата спална соба.
Атрактивен новитет во оваа просторија претставува и декоративниот ѕид од стаклени блокови поставени на наслонот од крветот. Дискретното осветлување го даваат светилки во индустриски стил.
Цветниот дезен и комбинацијата на сина, зелена и жолта боја го оживуваат просторот на помалата бања.
Третата спална соба носи палета од земјени тонови. И овде е присутен складен микс од уметнички дела и дискретен спој на различни дезени.
Рустичните ковчези служат како интересна замена за класични ноќни масички.
Неизоставен дел од просторијата претставуваат атрактивните полици, кои го одвојуваат делот за седење одостатокот од собата.
Разиграните шари ја красат третата бања. Дрво, камен и месинг можат да се видат во овој простор.
