Традиционална кинеска куќа во ридското предградие на Гуангжу

Оваа современа куќа во кинескиот град Гуангжу се состои од неколку простории за домување, распоредени околу едно езерце во центарот на целиот простор.

Локалните „O-office” архитекти, ја дизајнирале куќата „Веранда“ во ридското предградие на Гуангжу. Како одговор на локалната клима и архитектонското наследство, куќата „Веранда“ била базирана на традиционалните кинески куќи – со зелени тули и уредена во Фенг Шуи стил.

Главниот двор во центарот на објектот е поплочен со тули и е составен од неколку нивоа со ризлична височина, кои се спуштаат, како би ги поврзале главните простории за домување на приземјето со подрумот, составен од простор за складирање, мултимедиа и за најразлични активности.
Бетонски патеки се протегаат по должина на езерцето како би создале пат низ објектот. Патеките водат кон павилјонот поставен покрај дрво кое создава чувство на поврзаност со околната шума.

Површините што се наоѓаат во дворот се составени од преработени метални рамки кои содржат отвори, претставувајќи ги пивотирачките врати, карактеристични за автентичните куќи од тој регион.
Отворите содржат површини направени од два различни материјали кои создаваат ниво на приватност соодветно на намената на собите внатре.
Кујната, трпезаријата и дневната соба се направени со стаклени врати како би се постигнала постојана визуелна конекција помеѓу внатрешноста и дворот.
Приватните соби, како спалните, се позиционирани на западниот крај од дворот и се затворени со дрвени врати, кои по потреба можат и да се отворат.

Уживајте во галеријата.