5 Бањи од соништата

Бањата за многумина е свето место во домот. Таму се случуваат утринските ритуали и е место каде што може да се посветите на себе си. Затоа сите сонуваме да имаме луксузна бања од соништата во која нашиот self-care ритуал ќе биде издигнат на повисоко ниво.
Погледнете ги овие 5 стилски бањи заради кои ќе посакате да реновирате (но, подобро почекајте)

Оваа бања е толку смирена и елегантна. Белите плочки кои одат од доле до горе даваат посебен шмек. Златните славини и други детали изгледаат прекрасно во контраст со сините подни плочки со модерен патерн. Кадата е преубава – замислете како би се чувствувале додека лежите во неа под сончевата светлина што доаѓа од сончевиот покрив.

Шик бања во која ќе се чувствувате секси додека се релаксирате. Самостоечката када е едноставно воодушевувачка. Комбинацијата на уметничка слика со завесата на прозорецот прават мистериозна палета на бои. Совршено место за релаксирање по долг и напорен ден со чаша вино.

Оваа луксузна бања има ситни плочки во нијанси на сино од подот до таванот. Златните и жолтите детали доаѓаат до израз во контраст со сините тонови, а не може а да не го забележиме и шарениот тепих. Соуникатното мермерно лавабо и осветлување, оваа бања е само за храбрите.

Ултра – софистицирана и гламурозна бања која ќе Ве импресионира со секој детал. Природната светлина која ја има во изобилство прави оваа бања да изгледа дека сјае. Црно-златната тапета е убав детал кој не преовладува во просторот, но прави убава атмосфера заедно со останатите златни детали.

Овде гледаме воодушевувачка монохромна бања во комбинација со топли дрвени тонови. Двете правоаголни огледала одлично се надополнуваат со двете елегантни лавабоа. Текстурата додава длабочина и го разбива монохромниот дизајн.