Gentleman’s Choice
Одлична комбинација на индустриски стил со хипстерски детали ги прават посебни овие 70m2. Природните материјали како дрво, камен и стакло совршено се вклопени во амбиентот, а во комбинација со неутралните тонови, црната и зелената боја му даваат изразена машка нота на ентериерот. Во отворен план, креирана е пространа зона во која комуницираат дневната соба, трпезаријата, кујната и ходникот, вклопени во една целина наменета за дневен престој и дочекување гости преку креативни полици за книги кои не само што може да ви помогнат убаво да ги распоредите вашите омилени книги, тие може да ви помогнат и да заштедите на простор. Секоја дневна соба или работна која во себе содржи полица за книги ќе изгледа потопло и поудобно.
