Како да создадете безвременски простор со микс на материјали во Вашиот дом

Еден начин да создадете простор во кој ќе уживате секој дневно, ќе биде складен и богато уреден (како од списание) е преку микс на материјали. За тоа не мора да потрошите големо богатство, ниту Ви требаат години искуство. Еве неколку кратки совети како да го уредите Вашиот дом со вкус.

Создадете контраст

Вашиот мебел не мора да одговара – напротив, треба да одите во спротивна насока. Контрастот ги збогатува парчињата. Ако имате современ мебел со прави линии, не двоумете се да внесете динамика со барокно парче. 

Размислете за текстура

Внесете душа во просторот со мешање на текстури. Не треба сите парчиња да Ви бидат метални или дрвени. Доколку не се чувствувате доволно самоуверени, почнете со мешање на текстил. Можете да се обидете со лен во комбинација со богато кадифе, а нека ги поврзува тоналитетот или бојата.

Внесете ја природата

Без разлика на материјалите во Вашиот дом, секогаш е добра идеја да внесете природен елемент. А имате и многу избор – волна, свила, лен, мермер, дрво… Изберете го тоа што го отсликува Вашиот вкус и карактер.

Светлина

Варијацијата на материјали може да даде поголем ефект и со начинот на кој тие ја рефлектираат светлината. Експериментирајте со невообичаено стакло и видете каков ефект ќе даде во просторот.

Нема ништо поубаво од тоа да го осмислите Вашиот нов дом. Изберете стан полн со светлина и максимално искористен простор во нашиот нов објект Futura. Нашите агенти ќе Ви помогнат да го изберете она што Ви е потребно на Вас и на Вашето семејство, се’ со цел да изградите среќна иднина заедно со нас.