Направете удобна спална соба од мала просторија
Потребни се само неколку едноставни чекори и мали измени од просторот за спиење да направите комфорна соба.
Малиот простор може да биде удобен за живот, меѓутоа тоа не значи дека е лесно да се декорира. Особено претставува проблем доколку сакате во спалната соба да наместите маса, кревет, плакар и ламба.
Затоа ви нудиме помош. Погледнете 5 едноставни трикови за тоа како визуелно да го проширите вашиот мал простор.
Одберете светла боја
Светлата боја создава илузија вашата соба да изгледа многу поголема од тоа што е. Бојадисајте го просторот во некоја светла нијанса и украсете со темни детали. Белата соба со црни и црвени детали ќе делува ефектно, додека светлосините ѕидови се одличен избор за просторот за спална соба.
Големо огледало
Стар трик за визуелно да ја проширите просторијата е да ставите големо огледало. Колку и да мислите дека вашата соба е мала и мислите дека нема место, потрудете се да пронајдете простор и да сместите убаво огледало кои ќе го направи просторот поголем и покомфорен.
Направете полица за книги
Доколку сакате да читате пред спиење, тогаш оваа идеја ќе ви се допадне. Необичната полица над креветот направена од дрво и омилени книги, освен што визуелно ќе го прошири вашиот простор за спиење, ќе делува необично и несекојдневно. Нема дама која не би го посакала овој прекрасен детал во својот простор.
Поставете ламба на ѕидот
Доколку единствено осветлување во вашата соба е подна ламба, а спиете во мал простор, собата ќе делува уште помала отколку што е. Имаме решение за вас. Купете ѕидни ламби, а подните подарете ги или пронајдете решение да ги закачите на ѕид. На овој начин просторот ќе изгледа поголем и покомфорен.
Одберете помал кревет
Со тоа не мислиме да купите кревет кој нема да ви биде удобен и во кој едвај ќе се сместите само за собата да делува визуелно поголема. Одберете само малку помал кревет кој ќе се вклопи во собата и нема да заземе поголем дел од просторот.